Қазіргі таңда әлеуметтік желілер адамдардың күнделікті өмірінің бір бөлігіне айналды. Алайда интернет кеңістігінде бір-біріне құрметсіз пікір жазу, қорлау немесе әдепке сай келмейтін сөздер қолдану жағдайлары жиі кездеседі. Мұндай әрекеттер қоғамдағы мәдени қарым-қатынасқа кері әсер етеді.
Мамандардың айтуынша, онлайн ортадағы тәртіп те шынайы өмірдегі мәдениетпен қатар жүруі тиіс. Әсіресе жастарға әлеуметтік желідегі жауапкершілік пен әдептілік мәселесін түсіндіру маңызды.
Медиа маман сөзінше, интернеттегі әр пікір үшін жауапкершілік бар.
— Кей адамдар әлеуметтік желіде жазылған сөздің де салмағы болатынын ескере бермейді. Онлайн ортада да өзара құрмет сақталуы керек. Бұл – қоғам мәдениетінің көрсеткіші, — дейді маман.
Сарапшылардың пікірінше, әлеуметтік желідегі мәдениет пен жауапкершілікті қалыптастыру қазіргі қоғам үшін маңызды бағыттардың бірі.
