Экологиялық мәдениет тек қоғамдық жұмыстармен шектелмейді. Ол әр отбасының күнделікті өмірінен басталады. Балаларға табиғатты аялауды үйрету, қоршаған ортаны ластамау және тазалыққа мән беру – қоғамның экологиялық санасын қалыптастыратын маңызды қадамдар.
Мамандардың айтуынша, табиғатты қорғау мәселесінде отбасының тәрбиелік рөлі ерекше. Себебі бала қоршаған ортаға деген қарым-қатынасты ең алдымен ата-анасынан үйренеді.
Таза табиғат пен көрікті ауыл – баршамыздың ортақ байлығымыз. Сондықтан оны сақтау әр отбасының және әр азаматтың ортақ міндеті.
— Назымай Серікқызы, ауыл тұрғыны
