Қазіргі уақытта алаяқтар мессенджерлер мен әлеуметтік желілер арқылы жалған сілтемелерді жиі таратады. Олар сыйлық ұтып алу, мемлекеттік төлем алу немесе аккаунтты растау сияқты түрлі сылтауларды пайдаланады.
Мұндай сілтемелерге өткен жағдайда азаматтардың жеке деректері мен банк картасына қатысты ақпараттары заңсыз қолға түсуі мүмкін. Сондықтан мамандар белгісіз адамдардан келген хабарламалардағы сілтемелерді ашпауға және ақпараттың шынайылығын ресми дереккөздерден тексеруге кеңес береді.
Цифрлық сауаттылық – интернеттегі қауіпсіздіктің басты кепілі. Қарапайым сақтық ережелерін сақтау арқылы көптеген алаяқтық әрекеттердің алдын алуға болады.
