Смартфонға түрлі мобильді қосымшаларды орнату күнделікті өмірдің бір бөлігіне айналды. Алайда ресми емес сайттардан немесе белгісіз дереккөздерден жүктелген қосымшалар құрылғының қауіпсіздігіне қауіп төндіруі мүмкін.
Мамандар қосымшаларды тек ресми дүкендерден жүктеп, олар сұрайтын рұқсаттарға назар аударуға кеңес береді. Егер бағдарламаға байланыс тізімі, камера немесе банк мәліметтеріне негізсіз қолжетімділік қажет болса, оны орнатудан бас тартқан дұрыс.
Қарапайым сақтық цифрлық қауіпсіздікті қамтамасыз етіп, жеке ақпараттың қорғалуына ықпал етеді.
