Есірткі – адам денсаулығына, психологиялық жағдайына және әлеуметтік өміріне үлкен зиян келтіретін қауіпті дерт. Нашақорлық адамның өмірін ғана емес, оның отбасының тыныштығы мен қоғамның қауіпсіздігіне де кері әсер етеді. Сондықтан есірткінің таралуына жол бермеу – баршамызға ортақ міндет.
Әсіресе жасөспірімдер мен жастарды зиянды әдеттерден қорғау, олардың бос уақытын тиімді ұйымдастыру, спортпен және шығармашылықпен айналысуына жағдай жасау маңызды. Есірткінің зияны туралы түсіндіру жұмыстарын тұрақты жүргізу арқылы оның алдын алуға болады.
Әр азамат есірткіге қатысты заңсыз әрекеттерге бейжай қарамай, күдікті жағдайлар туралы құқық қорғау органдарына хабарлауы қажет. Қоғам болып бірігіп, салауатты өмір салтын насихаттау арқылы жас ұрпақтың қауіпсіз болашағын қалыптастыра аламыз.
Есірткісіз өмір – дені сау ұрпақ пен жарқын болашақтың кепілі. Есірткіге жол жоқ!
