Қолма-қол ақша алу немесе түрлі төлемдерді жүзеге асыру кезінде азаматтар банкомат қызметін жиі пайдаланады. Алайда қаржылық операцияларды орындау барысында қауіпсіздік ережелерін сақтау маңызды. Кей жағдайда алаяқтар банкоматтарға заңсыз құрылғылар орнатып немесе азаматтардың банк картасының деректерін бақылауға тырысуы мүмкін.
Мамандар банкоматты пайдаланар алдында құрылғының сыртқы бөлігін мұқият қарап шығуға, PIN-кодты терген кезде пернетақтаны қолмен жабуға және бөгде адамдардың көмегіне жүгінбеуге кеңес береді. Сондай-ақ жарық жақсы түсетін әрі бейнебақылау камералары орнатылған орындардағы банкоматтарды пайдаланған жөн.
Қарапайым қауіпсіздік шараларын сақтау арқылы қаржылық алаяқтықтың алдын алып, жеке қаражатты қорғауға болады.
