Балалардың қауіпсіздігін қамтамасыз етуде ата-ананың тәрбиесі мен түсіндіру жұмыстары ерекше рөл атқарады. Мамандар балаларға бейтаныс адамдармен сөйлесу, олардан сыйлық алмау және ешқайда бірге еріп кетпеу сияқты қарапайым қауіпсіздік ережелерін ерте жастан үйрету маңызды екенін айтады.
Сонымен қатар балаға қауіп төнген жағдайда бірден ата-анасына, мұғалімге немесе полиция қызметкеріне жүгіну қажеттігін түсіндірген жөн. Мұндай дағдылар баланың түрлі қауіпті жағдайларда дұрыс әрекет етуіне көмектеседі.
Балалардың қауіпсіздігі – қоғамның ортақ міндеті. Сондықтан қауіпсіздік мәдениетін қалыптастыру әр отбасынан басталады.
