Жаңа Конституция жобасында азаматтардың құқықтары мен бостандықтарын қорғауға ерекше мән берілуі – уақыт талабынан туындаған маңызды қадам деп санаймын.
Қазіргі қоғамда әр адамның заң алдындағы теңдігі, ар-намысы мен қадір-қасиетінің қорғалуы – әділетті мемлекеттің басты қағидасы болуы тиіс.
Жаңа Конституция адам құқықтарын қорғау тетіктерін жетілдіруге, мемлекеттік органдардың жауапкершілігін арттыруға және заң үстемдігін нығайтуға бағытталған.
Бұл – халық пен билік арасындағы сенімді арттырып, азаматтардың өз құқықтарын еркін әрі сенімді түрде қорғауына мүмкіндік береді. Сондықтан жаңа Конституция жобасындағы бұл бағыт қоғамның тұрақты дамуына, әділ әрі ашық мемлекет қалыптастыруға негіз болады деп сенемін.
