Соңғы уақытта елімізде қолға алынған «Таза Қазақстан» акциясы ауыл тұрғындарына да үлкен серпін берді. Бұл бастама арқылы әр адам өз айналасының тазалығына жауапкершілікпен қарау керектігін түсіне бастады.
Ауылда өткен тазалық жұмыстары кезінде тұрғындар бірігіп, көшелерді ретке келтіріп, қоршаған ортаны тазартуға атсалысты. Мұндай шаралар тек сыртқы тазалықты қамтамасыз етіп қана қоймай, адамдардың бір-біріне деген сыйластығын, ұйымшылдығын арттыра түседі.
Әсіресе, жастардың белсенділігі қуантады. Олар үлкендерге көмектесіп, тазалық сақтаудың маңызын күнделікті өмірде де ұстануға тырысып жүр. Бұл – келешекке жасалған жақсы қадам.
Таза орта – денсаулық кепілі. Сондықтан әрбір тұрғын өз ауласынан бастап тазалықты сақтауды әдетке айналдырса, ауылымыз одан әрі көркейе түсері анық.
Ақбота Абатқызы, Құрманғазы ауданының тұрғыны
