Соңғы уақытта өзін банк қызметкері, құқық қорғау органы немесе мемлекеттік мекеме өкілі ретінде таныстыратын алаяқтардың қоңыраулары жиілеп келеді. Олар азаматтарды түрлі сылтаумен қорқытып, банк картасының деректерін, SMS-кодтарды немесе жеке мәліметтерді сұратады.
Мамандар мұндай жағдайда сабыр сақтап, телефон арқылы ешқандай құпия ақпаратты айтпауға кеңес береді. Егер қоңырау күмән тудырса, әңгімені бірден тоқтатып, ұйымның ресми байланыс нөміріне өзіңіз хабарласқан дұрыс.
Цифрлық дәуірде жеке мәліметтерді қорғау – әр азаматтың жауапкершілігі. Қарапайым сақтық шараларын сақтау арқылы интернет және телефон алаяқтарының құрбаны болудың алдын алуға болады.
