Атырау облысының бас мемлекеттік санитарлық дәрігері Мейіржан Есімбаевтың 29 наурыз 2020 жылғы № 8 қаулысына сәйкес 30 наурыз күні түнгі сағат 00-ден бастап 15 сәуір сағат 07.00-ге дейін Атырау қаласы бойынша карантин жағдайы енгізілуіне байланысты облыс көлеміне қатысты төмендегідей шектеулер енгізілетінін қаперлеріңізге береміз:
-Қаладағы немесе облыс көлеміндегі тұрғындарға 2 сәуірге дейін тұрғылықты мекен-жайын жетіп алуларына рұқсат етіледі;
- Облыс орталығы арасындағы жолаушы тасымалымен айналысатын қоғамдық көліктердің жүруіне шектеу қойылады;
- Азық-түлік пен медициналық көмек алуды қоспағанда үйден негізсіз шықпау қажеттігі ескертіледі;
- Балалар мен жасөспірімдердің заңды өкілінсіз көшеге шықпауы, олармен серуендеу үй маңын қоса алғанда 500 метр қашықтық шеңберінде жүзеге асырылуы және 30 минуттан аспауы тиіс;
- 65 жастан асқан адамдар аса қажетті жағдайларда болмаса үйлері мен пәтерлерінен шықпауы қажет;
- Ішкі қоғамдық көліктердің қозғалысы 6.00-ден бастап 19.00-ге дейін шектеледі;
- Балабақшалардың жұмысы толықтай тоқтатылады;
- Азық-түлік емес дүкендер, сауда орталықтары, базарлар, автокөлік салондары, техникалық қызмет көрсету орындары, автобөлшек базарлары, ломбардтар, фотосалондар, автожуу орталықтары, сұлулық салондары, киім, тұрмыстық техника, ұялы байланыс орындары уақытша жабылады. Азық-түлік дүкендері мен дәріханалар қалыпты жұмысын жалғастырады. Бұл жерлерде санитариялық-дезинфекциялық шараларды күшейтуге міндетті.
- Тұтынушылар банкоматтарға, сауда орындарына барып, кезекке тұрған кезде барлық кассалардың алдында араларында 2 метр қашықтықты сақтауы, ішке бір-бірлеп кіруі тиіс.
Құрманғазы аудандық «Серпер» қоғамдық-саяси газеті