Мәдениет

С.Көшекбаев атындағы аудандық мәдениет үйінде ән өнеріне жарық жұлдыздай сәуле шашып, айрықша із қалдырған, «Вальс падишасы» Шәмші Қалдаяқовтың шығармашылығын насихаттау мақсатында «Қалықтайды туған елде Шәмші әні» атты аудандық фестиваль өтті.

Нұрғиса Тілендиев атындағы мемлекеттік академиялық фольклорлы-этнографиялық «Отырар сазы» ансамблі Атырау облысының әкімі Нұрлан Асқарұлы Ноғаевтың арнайы шақыртуымен облысымызға өнер сапарымен келді.

Құрманғазы аудандық С.Көшекбаев атындағы мәдениет үйінде «Аймақ айнасы – дәуір үні» атты жазба ақындар мүшәйрасы өтті. Мақсаты Жастар жылында жас ақындарымызды ауданға таныту, олардың шығармашылығын шыңдай түсу. Оған Нұржау, Сафон, Құрманғазы ауылдық округінен үміткерлер қатысты. Мүшәйра «Үй тапсырмасы», «Алтын бесік – Атамекен», «Мен жазбаймын өлеңді ермек үшін...» атты үш бөлімнен тұрды.

Аудандық музейдің ұйымдастыруымен С.Көшекбаев атындағы мәдениет үйінде Елбасы Нұрсұлтан Назарбаевтың «Ұлы даланың жеті қыры» мақаласы аясында ұлттық құндылықтарымызды насихаттау, тарихи тұлғаларымызды тану мақсатында 2017-2018 жылдар аралығында музей қорына қабылданған жәдігерлерден жылжымалы көрме ұйымдастырылды. Оған аудан орталығындағы мектеп оқушылары қатысты.

С.Көшекбаев атындағы мәдениет үйінде Чернобыль атом электр стансасындағы жарылыстың салдарынан орын алған үлкен экологиялық, техногендік апаттың зардабын жоюға қатысқан ардагерлері даталы күнге орай құрмет көрсетілді.

С.Көшекбаев атындағы мәдениет үйінде өткен «Әйел – ана, әйел – өмір, әйел – гүл» атты салтанатты жиында аудандық аналар кеңесінің төрайымы Балғаным Хасенова мерекенің шығу тарихына, ауданымыздағы соғыс жылдарында еңбек еткен әйел аналардың ерлік еңбегіне, жеңіске қосқан үлесіне, аталмыш кеңестің атқарып отырған жұмысына тоқталды.

Ещё статьи...