Медициналық сақтандыру қоры тегін қызмет көрсеткен медицина ұйымдарына 19,8 млрд теңге төледі

(0 Votes)

«Әлеуметтік медициналық сақтандыру қоры» КЕАҚ Атырау облысы бойынша филиалы Атырау облысы бойынша 2018 жыл басынан бері халыққа тегін қызмет көрсеткен медицина ұйымдарына 19,8 млрд теңге төледі.

«Ағымдағы жылдың 13 желтоқсандағы жағдайға сәйкес, Атырау облысы бойынша Қормен келісім шарт бекіткен жеткізуші компанияларға 19,8 млрд теңге төленді. Бұл кепілдендірілген тегін медициналық көмек пакеті (ТМККК) шеңберінде бекітілген келісімшарт сомасының 86 пайызын құрайды», - деді МСҚ Атырау облысы бойынша филиалының директоры Байтолла Ғазизов.

Естеріңізге сала кетсек, МСҚ ТМККК және міндетті әлеуметтік медициналық сақтандыру пакеттерінің қаржылық операторы болып табылады.

Қор жыл басында емдеу мекемелерімен ТМККК пакеті шеңберінде халыққа тегін көмек көрсету жөнінде келісімшарттар бекіткен болатын. Бекітілген келісімшарттардың жалпы сомасы 23,1 млрд теңге. «Жұмыс кестеге сай жүріп жатыр. Бөлінген қаражат медицина мекемелерінің операциялық шығындарын өтеуге жеткілікті», - деді Б.Ғазизов.

Бүгінгі таңда Қор мемлекеттік тапсырыс бойынша қызмет көрсетуге ниет білдірген 59 медицина ұйымымен келісімшарт бекіткен. Оның 25-сі – жеке меншік. Биыл жеке клиникалар саны 2017 жылмен салыстырғанда 4 мекемеге көбейген. Ал, олармен бекітілген келісімшарт сомасы 16% артып, 1,2 млрд теңгені құрады.

«Әлеуметтік медициналық сақтандыру қоры» КЕАҚ Атырау облысы бойынша филиалы

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521