Тәжірибе алмасу семинарында

Білім-Ғылым

«Рухани жаңғыру», «Мәңгілік ел» идеяларын жүзеге асыру бағытында тәрбие жұмыстарын жаңаша ұйымдастыру, жас мамандарға әдістемелік көмек көрсету, педагог-тәрбиешілердің іс тәжірибесімен бөлісу мақсатында З.Серікқалиұлы атындағы мектеп-интернатында аудан көлемінде тірек мектептерімен тәжірибе алмасу бағытында әдістемелік семинар өтті.

Оған Ломоносов, Еңбекші, Д.Нұрпейісова атындағы жалпы орта мектептерінен мұғалім тәрбиешілер қатысты. Тәрбиеші Г.Қартжанова, Т.Нұрбаева, Б.Қабдулова сынып сағаттарын семинарға қатысушылар назарына ұсынып, мектеп директорының оқу-тәрбие жұмыстары жөніндегі орынбасары Т.Сақтағанова «Тәрбие жұмысын жаңаша ұйымдастыру бағыттары» тақырыбында коучинг өткізді. Мектеп директоры Қ.Бисенғалиев, аудандық білім бөлімінің әдіскері Э.Молдағалиева семинарды қорытындылап, ашық сабақтарын жоғары деңгейде өткізген мұғалімдерді алғыс хатпен марапаттады.

Т.Сақтағанова,

мектеп директорының оқу-тәрбие жұмыстары жөніндегі орынбасары.