Еңбекші жалпы орта мектебінде «Жыл мұғалімі-2019» байқауы өтті.

Мақсаты – шығармашылықпен жұмыс істейтін, заманауи ақпараттық-коммуникациялық технологияны меңгерген, жоғары интеллектуалды деңгейдегі дарынды ұстаздарды анықтау.

Оған мектебімізден 7 мұғалім қатысуға ниет білдірді. Байқау шарты бойынша олар педагогтің кәсіби біліктілігіне негізделген идеялар таныстырылымы, тақырыптық-күнтізбелік жоспар бойынша ҚМЖ құру және сандық ресурстар арқылы жаңартылған білім мазмұны бойынша тест тапсырмаларын орындау секілді бағыттар бойынша өз тәжірибелерін ортаға салды. Соңында, I-санатты қазақ тілі мен әдебиеті пәнінің мұғалімі Руфина Капизова «Жыл мұғалімі-2019» атағын жеңіп алды. Ал байқауға қатысушылар түрлі номинациялармен марапатталды.

Жеңімпаз болған Руфина мектептің кәсіподақ ұйымы атынан ескерткіш сыйлықпен ұлығыланды.

Гүлшат Қарабалаева,

Еңбекші жалпы орта мектебінің бастауыш сынып мұғалімі.