Қазақстандық Дина Дәулетова джиу-джитсудан Moscow Grand Slam 2019 турнирінде алтынға қол жеткізді.

Алматыда тұратын Динаның анасы Айгүл Бергенованың айтуынша, 16 жастағы спортшы қыз бұл жолы 63 кг салмақта үздік шықты. Бұған дейін Әбу-Дабиде джиу-джитсудан өткен әлем чемпионатында Дина Дәулетова 57 кг салмақта сынға түсіп, қола жүлдені еншілеген еді. Басқа жарыстарды санамағанда, Дина 2018 жылы Әбу-Дабидегі әлем чемпионатында күміс медальға қол жеткізіп, ақ белбеудің иесі атанған болатын.

«Қызымыздың ендігі мақсаты - Бразилияда қараша айында өтетін әлем чемпионатында жеңімпаз атану. Дина спортпен дендеп шұғылданумен бірге халықаралық бизнес академиясында оқып жүр», - деді ҚазАқпарат тілшісіне Айгүл Бергенова.