Жастарды жұмысқа орналастыру мақсатында ауданның жұмыспен қамту, әлеуметтік бағдарламалар және азаматтық хал актілерін тіркеу бөлімінің ұйымдастыруымен бос жұмыс орындар жәрмеңкесі өтті.

Оған жұмыс іздеп жүрген 98-ға жуық азаматтар қатысып, жұмыс беруші мекемелердің өкілдерімен еркін сұхбат құрып, сұрақтарына жауап алып, түйіндеме тапсырды. Күні бүгін олардың арасынан 10 адам тұрақты жұмыспен қамтамасыз етілді.

Тұрғындардың жұмысқа орналасуына көмектесу мақсатында ұйымдастырылған жәрмеңкеге ауданның жұмыс берушілерінен басқа облысымызда орналасқан «Capital Complex Catering” мекемесі қатысып, асханада жұмыс жасауға ниет білдіргеннің түйіндемесін қабылдады. Мекеменің өкілі Ахметов Мерей айтуынша, өңірде асхана саласында жұмыс жасауға жастардың белсенділігі төмен. Жәрмеңкені ұйымдастыру барысында жұмыссыз жүрген әйел адамдарды қатысуға шақырылды. Алайда, барлығы қатысқан 103 адамның 8 әйел адам. Барлығы жәрмеңкеге 139 бос жұмыс ұсынылды. Келесі жәрмеңке мамыр айына жоспарланып отыр.

Құрманғазы ауданның жұмыспен қамту,

әлеуметтік бағдарламалар және азаматтық хал актілерін тіркеу бөлімі