Қазан айының бiрiншi жұлдызына тап келген мейрам жыл сайын ескiнiң көзiндей болған қазыналы қарттарымыздың бiр сәтке болса да көңiлiн көтерiп, өмiрiне қуаныш сыйлауда үлкен тәрбиелiк мән атқаратыны белгiлi.

Мiне, сол көптi көрген, елiмiздiң тәуелсiздiк жолына қадам басқан күндерiн мақтана, тебiрене жеткiзетiн қарияларымыз күн санап азайып бара жатыр.

Мерекеге орай Сафон ауылдық округінде салтанатты шара ұйымдастырылды. Мәдениет үйінің өнерпаздары әсем әндерін тарту етіп, кеш қонақтарына көтеріңкі көңіл сыйлады.

Ауыл әкімі Роза Қамзаева жүрекжарды лебізін білдіріп, үлкендердің дендеріне саулық, отбасыларына амандық тіледі. Шарадан кейін, қарияларға арналып ақ дастархан жайылды.

А.Шакупова