Жәннат әже – өнегенің үлгісі

Аудан тынысы

Атырау облысы әкімінің жанындағы әйелдер істері және отбасылық-демографиялық саясат жөніндегі комиссияның ұсынысымен облыстық мәдениет, құжаттама және архивтер, ішкі саясат басқармаларының ұйымдастыруымен ұлттық құндылықтарымыз салт-дәстүр, әдет-ғұрпымызды жалғастыруда «Өнегелі Әже» атты облыстық байқауы өтті.

Оған ауданымыздан жасы 80-нен асқан ұлағатты әже, Алтын алқа иегері, ардагер-ұстаз Жәннат Құрманғалиева қатысты. Бес кезеңнен тұрған байқауда үміткерлер ұлттық салт-дәстүрді дәріптеуде кейінгі буынға үлгі-өнеге көрсетіп, өз өнерлерін ортаға салды. Нәтижесінде күй елінің намысын қорғаған Жәннат апайымыз жүлделі І орынды жеңіп алып, ауданымыздың мерейін үстем етті. Жеңімпаздар мен жүлдегерлерге ұйымдастырушылар атынан диплом мен ақшалай сертификаттар ұсынылды.

А.Шакупова